दोस्तांनो, सध्या खूप शिकूनही मनासारखी नोकरी मिळत नाही. एखादी नोकरी मिळालीच तर पगार कमी असतो. अशा वेळी स्वत:चा एखादा व्यवसाय सुरू करण्याची कल्पना वाईट नाही. अशा एका व्यवसायाविषयी...
.....
सध्या ट्रॅव्हल अँड टुरिझमला चांगले दिवस आले आहेत. व्यावसायिक कारणांमुळे प्रवास करणाऱ्यांची संख्याही खूप मोठी आहे. त्यामुळे वाहतूक सेवा क्षेत्र आज वेगाने विस्तारत आहे. या क्षेत्रात अनेक कंपन्याही आल्या आहेत. त्यांच्या मदतीने किंवा स्वतंत्रपणे तुम्ही हा व्यवसाय करू शकता.
सध्या लोकांना एका शहरातून दुसऱ्या शहरात जाण्यासाठी गाडी लागते. सहलींसाठीही गाड्यांची गरज असते. त्यामुळे तुमच्याकडे गाडी असेल, तुम्ही वाहन चालवू शकत असाल तर तुम्हाला स्वतःला एकट्यानेच हा व्यवसाय सुरू करता येईल.
कर्ज घेऊन एखादी गाडी घेऊन या व्यवसायाची मुहूर्तमेढ रोवू शकता. ओला, उबेरसारख्या कंपन्याही संधी देत आहेत. या माध्यमातून तुम्ही चांगलं उत्पन्न मिळवू शकता. या व्यवसायात जम बसला की, आणखी गाड्या घेऊन व्यवसाय वाढवू शकता.
अर्थात, उद्योग-व्यवसायाची सुरुवात करताना संघर्ष करण्याची तयारी ठेवायला हवी. कारण लगेच यश मिळतेच असे नाही; पण एकदा यश मिळाल्यावर तुम्ही चांगलं उत्पन्न मिळवू शकता.
